711,000
poblogaeth
285,000
swyddi
28,080
busnesau
£6bn+
cyfleoedd ar y gweill
De-orllewin Cymru: Rhanbarth sy'n Barod am Dwf
A ydych chi eisiau sefydlu, adleoli, neu ehangu eich busnes? A ydych chi’n chwilio am y lle gorau nesaf i fuddsoddi mewn prosiectau a chwmnïau? Yna, mae'n rhaid ichi ystyried Rhanbarth De Orllewin Cymru oherwydd bod ganddo gymaint i'w gynnig. Gan fod rhaglen adfywio economaidd barhaus y rhanbarth wedi hen ddechrau, a'i fod yn cynnig ansawdd bywyd anhygoel a chyfleoedd buddsoddi helaeth, mae'r rhanbarth hwn ar fin gweld twf aruthrol.
Mae tair blaenoriaeth allweddol wrth wraidd ein cynllun cyflawni economaidd: sefydlu’r rhanbarth fel arweinydd y DU ym maes ynni adnewyddadwy, adeiladu sylfaen fusnes gref, wydn ac un sydd wedi’i gwreiddio, a sicrhau twf yn y cynnig ‘profiad’ a’i gynnal. Drwy ddilyn y blaenoriaethau hyn rydym yn creu economi gynaliadwy a gwydn a fydd yn ffynnu am flynyddoedd i ddod.
Ble rydym ni?
Wedi’i lleoli yn ardal ddeinamig a bywiog De-orllewin Cymru, sy’n cynnwys awdurdodau lleol Sir Gaerfyrddin, Castell-nedd Port Talbot, Sir Benfro ac Abertawe. Mae’r rhanbarth hwn wedi’i leoli’n strategol gyda chysylltedd rhagorol â phrif ddinasoedd y DU a marchnadoedd rhyngwladol, diolch i’w seilwaith trafnidiaeth cadarn, gan gynnwys cysylltiadau ffordd, rheilffordd a môr.
Mae’r rhanbarth yn ymfalchïo mewn tirwedd naturiol syfrdanol, o arfordir prydferth Penrhyn Gŵyr i fryniau tonnog Bannau Brycheiniog, gan ei wneud yn gyrchfan ddeniadol ar gyfer busnes a hamdden fel ei gilydd. Gyda threftadaeth ddiwylliannol gyfoethog, cymuned fusnes ffyniannus, ac ymrwymiad i arloesi a thwf cynaliadwy, mae rhanbarth De-orllewin Cymru yn cynnig cyfleoedd eithriadol ar gyfer buddsoddi mewnol.
Talent a Sgiliau
Mae rhanbarth De Orllewin Cymru yn gartref i weithlu medrus iawn ac amrywiol, wedi’i ysgogi gan sylfaen addysgol gref a diwylliant o arloesi.
Mae’r rhanbarth yn cynnwys nifer o brifysgolion a cholegau enwog, gan gynnwys Prifysgol Abertawe a Phrifysgol Cymru Y Drindod Dewi Sant, sy’n cynhyrchu llif cyson o raddedigion mewn sectorau allweddol megis peirianneg, ynni, gwyddorau bywyd, technoleg ddigidol, a diwydiannau creadigol.
Mae ein gweithlu’n cael ei nodweddu gan ei addasrwydd, ei arbenigedd technegol, a’i ysbryd entrepreneuraidd, gan ei wneud yn barod i ateb gofynion busnesau modern.
Yn ogystal, mae’r rhanbarth yn cynnig nifer o raglenni hyfforddi a datblygu i sicrhau bod sgiliau’n cael eu gwella’n barhaus a bod twf proffesiynol yn cael ei gefnogi. Mae’r rhaglen Sgiliau a Thalent yn darparu ateb rhanbarthol ar gyfer nodi a chyflwyno’r gofynion sgiliau a hyfforddi ar gyfer prosiectau buddsoddi, gyda ffocws penodol ar anghenion presennol a gofynion y dyfodol mewn sectorau blaenoriaethol gan gynnwys Iechyd a Llesiant, Gweithgynhyrchu Clyfar, Adeiladu Gwyrdd, Ynni a Digidol.
Gyda ymrwymiad i feithrin talent a chefnogi dysgu gydol oes, mae Rhanbarth De Orllewin Cymru yn lleoliad delfrydol i fusnesau sy’n chwilio am fantais gystadleuol drwy weithlu talentog a llawn cymhelliant.
Cysylltedd
Mae rhanbarth De Orllewin Cymru yn cynnig cysylltedd eithriadol, gan ei wneud yn lleoliad delfrydol i fusnesau sy’n dymuno cael mynediad at farchnadoedd cenedlaethol a rhyngwladol. Mae’r rhanbarth yn cael ei wasanaethu’n dda gan rwydwaith trafnidiaeth gynhwysfawr, gan gynnwys priffyrdd mawr fel traffordd yr M4, sy’n darparu cysylltiadau uniongyrchol â Llundain a dinasoedd allweddol eraill yn y DU.
Mae gwasanaethau rheilffordd yn cysylltu’r rhanbarth â phrif ganolfannau, gyda threnau rheolaidd i Gaerdydd, Bryste, ac ymhellach. Ar gyfer teithio rhyngwladol, mae Maes Awyr Caerdydd o fewn cyrraedd hawdd, gan gynnig hediadau i nifer o gyrchfannau ledled Ewrop ac ymhellach i ffwrdd. Yn ogystal, mae porthladdoedd y rhanbarth, gan gynnwys Aberdaugleddau, Doc Penfro, Abertawe a Phort Talbot, yn hwyluso masnach forwrol effeithlon.
Gyda seilwaith digidol uwch, gan gynnwys band eang cyflym ar draws y rhanbarth a buddsoddiad parhaus mewn technoleg 5G, mae Rhanbarth De Orllewin Cymru yn sicrhau bod busnesau’n aros yn gysylltiedig yn economi ddigidol heddiw. Mae’r cysylltedd cadarn hwn yn cefnogi gweithrediadau di-dor ac yn agor byd o gyfleoedd ar gyfer twf ac ehangu.
Ein nodau
-
1
DenuDenu a sicrhau cyllid gan fuddsoddwyr lleol a rhyngwladol i hyrwyddo twf a datblygiad economaidd yn y rhanbarth.
-
2
AdnabodNodi ac ariannu prosiectau arloesol ac effeithiol sy'n cyd-fynd â nodau economaidd a chymdeithasol y rhanbarth. -
3
CynhyrchuCynhyrchu enillion deniadol i fuddsoddwyr, tra hefyd yn creu effaith economaidd a chymdeithasol gadarnhaol i'r ranbarth a'i thrigolion.
-
4
CefnogiDarparu cefnogaeth ac adnoddau i berchnogion prosiectau ac entrepreneuriaid, i'w helpu i gyflawni eu nodau a thyfu eu busnesau.
-
5
SefydluSefydlu partneriaethau gyda sefydliadau cymunedol, asiantaethau'r llywodraeth a rhanddeiliaid eraill, er mwyn sicrhau prosiectau llwyddiannus.
-
6
CyfrannuCyfrannu at enw da'r rhanbarth fel canolbwynt ar gyfer arloesi, entrepreneuriaeth a datblygu cynaliadwy.
Gyrru Momentwm Trwy Fuddsoddiad Mawr
Mae’r momentwm eisoes wedi’i roi ar waith gan Fargen Ddinesig Bae Abertawe. Dyma fenter drawsnewidiol gwerth £1.2 biliwn, sy’n sbarduno arloesi a chydweithio ledled y rhanbarth. Ar sail cyfleoedd ariannu newydd o'r Gronfa Ffyniant Gyffredin a'r Gronfa Twf Lleol, mae'r paratoadau wedi eu gwneud ar gyfer twf a ffyniant hirdymor.
Mantais Porthladd Rhydd Celtaidd
Mae'r Celtic Freeport, a ddynodwyd yn ddiweddar yn Aberdaugleddau a Phort Talbot yn rhoi mantais unigryw i fusnesau, gan gynnig buddion treth a gwell cyfleoedd ar gyfer masnach. Bydd y porthladd rhydd yn gatalydd ar gyfer gweithgaredd economaidd ac yn denu buddsoddiad, gan gryfhau enw da cynyddol y rhanbarth fel cyrchfan fusnes o’r radd flaenaf.
Ansawdd Bywyd Eithriadol
Ond nid yw bywyd yn ymwneud â gwaith yn unig. Mae Rhanbarth De-orllewin Cymru yn cynnig ansawdd bywyd eithriadol. Dychmygwch eich hun yn mwynhau traethau syfrdanol fel Three Cliffs, Barafundle neu Fae Rhosili, yn cymryd rhan mewn gweithgareddau awyr agored cyffrous, ac yn archwilio’r tirweddau trawiadol sy’n ein hamgylchynu.
Yn gartref i’r Elyrch, y Scarlets a’r Gweilch, mae digon o gyfleoedd i gefnogi timau’r rhanbarth gyda ffrindiau a theulu. Ac er bod costau byw’n debygol o barhau’n uchel yn y dyfodol agos, mae Rhanbarth De-orllewin Cymru yn cynnig gwell gwerth am arian na llawer o rannau eraill o’r DU.
Lle Gwych i Fuddsoddi, Gweithio a Byw
Felly, p’un a ydych yn fuddsoddwr sy’n chwilio am elw hirdymor, yn fusnes sy’n chwilio am gyfleoedd i dyfu, neu’n unigolyn sy’n edrych am y cam nesaf gwych yn eich gyrfa neu’ch bywyd, mae Rhanbarth De-orllewin Cymru yn ddewis rhagorol ac yn barod i’ch croesawu gyda breichiau agored.
Cyfleoedd dan sylw
-
Parc Bwyd Sir Benfro Amaethyddiaeth a chynhyrchu bwyd gwerth uchelNod y cynigion uchelgeisiol hyn yw creu canolbwynt o ansawdd uchel yn Llwynhelyg ger Hwlffordd, a fydd yn dod yn gartref i nifer o gynhyrchwyr bwyd.
Sir Benfro -
Bremenda Isaf Amaethyddiaeth a chynhyrchu bwyd gwerth uchelMae Bremenda Isaf yn gynllun gwerth £5 miliwn i drawsnewid Fferm Sirol yn ganolfan ragoriaeth arloesi bwyd flaenllaw, carbon isel ar gyfer De Orllewin Cymru, gan gyfuno ffermio adfywiol, prosesu a chydgrynhoi bwyd lleol, twf y gadwyn gyflenwi ac Academi Sgiliau.
Sir Gaerfyrddin -
Ailddatblygu Campws Sir Gaerfyrddin, Prifysgol Cymru Y Drindod Dewi Sant Traws-sectorAilddychmygu campws Prifysgol Cymru Y Drindod Dewi Sant yng Nghaerfyrddin er mwyn sicrhau cyfleusterau addysg o’r radd flaenaf sy’n addas ar gyfer y dyfodol.
Sir Gaerfyrddin -
Porth Copr Traws-sectorMae Porth Copr yn adfywiad gwerth £150 miliwn sy’n creu chwarter defnydd cymysg bywiog wrth ymyl Arena Abertawe, gan ddarparu hyd at 400,000 troedfedd sgwâr o swyddfeydd Gradd A a mannau gwaith hyblyg, ynghyd â chyfleusterau dysgu, hamdden, manwerthu a chartrefi o amgylch mannau cyhoeddus newydd wedi’u tirlunio yng nghanol y ddinas.
Abertawe -
Parc Felindre Traws-sectorMae Parc Felindre yn cynnig cyfle datblygu cyffrous i ddiwydiannau sy’n ymwneud â gweithgynhyrchu uwch-dechnoleg ac Ymchwil a Datblygu dyfu a datblygu, gan elwa ar yr agosrwydd at ddinas fywiog, gweithlu medrus a chysylltedd rhagorol.
Abertawe -
Safle Cyflogaeth Strategol Dwyrain Cross Hands Traws-sectorGan dyfu o lwyddiant buddsoddiad yn y Parthau Bwyd a Busnes, mae Dwyrain Cross Hands yn cynnwys tua 10 hectar o leiniau sy’n barod i’w datblygu.
Sir Gaerfyrddin -
Stad Ddiwydiannol Beechwood Traws-sectorMae'r cynnig yn cynnwys pum uned ddiwydiannol ar deras sengl sy’n hynod gynaliadwy. Mae gan bob uned ei hardal waith, swyddfeydd a chyfleusterau staff sy'n cyflawni'r agenda datgarboneiddio ac yn gweithredu ar garbon sero-net.
Sir Gaerfyrddin -
Cwm Gwyrdd Nantycaws EgniMenter economi werdd arloesol yw CWM Gwyrdd Nant-y-caws sydd yn adeiladu ar gryfderau presennol mewn adfer adnoddau, ynni adnewyddadwy a bioamrywiaeth, tra'n creu lle newydd ar gyfer mentrau carbon isel ac adfer amgylcheddol.
Sir Gaerfyrddin -
Porthladd Rhydd Celtaidd EgniMae’r Porthladd Rhydd Celtaidd ar agor i fusnes a bydd yn darparu llwybr carlam ar gyfer economi sero net Cymru, gan gynhyrchu dros 16,000 o swyddi newydd, gwyrdd a hyd at £5.5 biliwn o fuddsoddiad newydd.
Sir Benfro -
Prosiect CO2 Aberdaugleddau EgniMae prosiect CO2 Aberdaugleddau yn brosiect dal a chludo carbon ar gyfer Cymru a’r Deyrnas Unedig.
Sir Benfro -
Ardal Forol Doc Penfro EgniMae menter Ardal Forol Doc Penfro yn brosiect trawsnewidiol i Gymru a gweddill y DU gan greu cyfleoedd clir i ddiwydiant ar arfordir gorllewinol Cymru.
Sir Benfro -
Hwb Ynni a Thrafnidiaeth a Datblygu Porthladd Abertawe EgniBuddsoddiad cam cynnar ym MhDoc Tywysog Cymru a Ffordd Fabian i ddarparu canolfan trafnidiaeth ynni glân, carbon isel ac i ddatgloi twf diwydiannol dan arweiniad y porthladd sy’n cyd-fynd â sero net.
Abertawe -
Safleoedd Strategol y Glannau - Parth Buddsoddi Port Talbot a Bae Abertawe EgniMae Safleoedd Strategol y Glannau yn cynnig cyfle mawr i gyfalaf preifat ym meysydd ynni glân a thwf diwydiannol, wedi’i alluogi gan gymhellion Porthladd Rhydd Celtaidd ac asedau porthladd dŵr dwfn.
Castell Nedd Port Talbot -
Canolfan Ddarganfod Oriel y Parc Economi Profiad: Diwylliant, Hamdden a LletygarwchMae Oriel y Parc yn cael ei hail-ddychmygu fel porth carbon isel i Barc Cenedlaethol Arfordir Penfro—gan ddod â phobl, diwylliant a natur ynghyd.Sir Benfro -
Glannau'r Ddinas Economi Profiad: Diwylliant, Hamdden a LletygarwchBydd ardal newydd ar lan y dŵr ar ddiwedd Ffordd i’r Môr yn estyn canol dinas Abertawe hyd at y traeth, wedi’i hangori gan Ganolfan Ddinesig cymysg ei defnydd wedi’i hail-ddychmygu, gan ddarparu mannau masnachol newydd, cartrefi ac atyniadau hamdden fel cyrchfan gynhwysol drwy gydol y flwyddyn.
Abertawe -
Wildfox Resorts - Dyffryn Afan Economi Profiad: Diwylliant, Hamdden a LletygarwchMae Wildfox Resorts yn gyrchfan antur a lles gwerth £174m sydd wedi’i chynllunio ar gyfer dros 1,300 erw yn Nyffryn Afan, gan ddarparu 300 o lodges ynghyd â chyfleusterau antur a lles, gyda chaniatâd cynllunio wedi’i sicrhau a gwaith galluogi ar y gweill.
Castell Nedd Port Talbot -
Pentre Awel Gwyddorau Bywyd a LlesMae Pentre Awel yn ddatblygiad arloesol sydd wedi'i leoli ar safle 83 erw yn Llanelli, Sir Gaerfyrddin.
Sir Gaerfyrddin -
Canolfan ar gyfer Deunyddiau Lled-ddargludyddion Integreiddiol Gweithgynhyrchu ClyfarBuddsoddiad o £55 miliwn gan Lywodraethau’r DU a Chymru a diwydiant: ffowndri beilot ar raddfa ddiwydiannol sy’n pontio ymchwil a gweithgynhyrchu yng nghlwstwr lled-ddargludyddion cyfansawdd cyntaf Ewrop.
Abertawe -
Maes Awyr Hwlffordd TrafnidiaethMae Maes Awyr Hwlffordd wedi’i leoli ger cefnffordd yr A40, dim ond dwy filltir i’r gogledd o Hwlffordd.
Sir Benfro -
Trecwn TrafnidiaethMae Trecwn wedi ei leoli tua 3 milltir i'r de o Abergwaun yng Ngogledd Sir Benfro. Roedd y safle yn arfer bod yn storfan ar gyfer Arfau'r Llynges Frenhinol ac mae’n ymestyn dros 1000 o erwau a gellir ei gyrraedd ar hyd ffordd breifat oddi ar yr A40.
Sir Benfro -
Canolfan Rhagoriaeth Rheilffyrdd Byd-eang TrafnidiaethMae GCRE yn gyfleuster arloesi rheilffyrdd ac ynni yn Nyffryn Dulais, sy’n darparu profion ac Ymchwil a Datblygu unigryw yn Ewrop ar safle 700 hectar, gan gynnwys rheilffordd gyntaf y DU sy’n gweithredu’n sero net, gyda dau gylch prawf trydaneiddiedig o 7km.
Castell Nedd Port Talbot