Ein Sectorau

Mae gan ranbarth De Orllewin Cymru sylfaen amaethyddol gref, wedi’i gwreiddio yn ei thirweddau gwledig, ei hamgylcheddau arfordirol a’i thraddodiadau ffermio hirsefydlog. O ffermio da byw a llaeth i arddwriaeth, bwyd môr a phrosesu bwyd, mae’r rhanbarth yn cefnogi sector bwyd amrywiol a nodedig.

Drwy adeiladu ar y sylfaen hon a’i chyfuno ag arloesedd, datblygu sgiliau ac arferion cynaliadwy, mae De Orllewin Cymru mewn sefyllfa dda i dyfu cynhyrchu bwyd gwerth uchel sy’n cryfhau’r economi wledig, yn cefnogi cymunedau lleol ac yn cyfrannu at wydnwch bwyd ac amgylcheddol hirdymor.

Cyfleoedd buddsoddi nad ydynt bob amser yn ffitio i un sector yn unig.

Mae Rhanbarth De-orllewin Cymru yn arweinydd ym maes datrysiadau ynni cynaliadwy, ac mae ffocws cryf ar brosiectau ynni adnewyddadwy ac effeithlonrwydd ynni.

Mae portffolio ynni amrywiol y rhanbarth yn cynnwys mentrau ynni gwynt, solar a morol, ac mae’r rhain yn destun buddsoddiadau sylweddol gan y sectorau cyhoeddus a phreifat.

Mae’r prosiectau hyn nid yn unig yn cyfrannu at ddiogelu ffynonellau ynni’r rhanbarth, ond maent hefyd yn sbarduno twf economaidd a chreu swyddi.

Bydd y Porthladd Rhydd Celtaidd yn sbarduno’r economi carbon isel yn y rhanbarth, gan greu coridor buddsoddi ac arloesi gwyrdd i helpu i ysgogi mewnfuddsoddiad sylweddol, datblygu sgiliau yn y dyfodol a datgarboneiddio cenedlaethol.

Mae De-orllewin Cymru yn mwynhau amgylchedd gwych ac ‘ansawdd bywyd’ unigryw, sy’n ased allweddol i’r rhanbarth o ran cefnogi economi ymwelwyr gwerth uchel sy’n eiddo lleol ac yn rhan ganolog o’n cynnig buddsoddi.

Rydym yn gwneud De-orllewin Cymru yn adnabyddus am ansawdd ac ehangder y ‘profiad a gynnigir’, sy’n ddibynnol ar ansawdd y cynnig diwylliannol ac amgylcheddol a geir yn y rhanbarth.

Gan fod dros 13,000 o fusnesau o fewn y sectorau manwerthu, lletygarwch a hamdden ledled De-orllewin Cymru mae hwn yn sector allweddol o fewn y rhanbarth.

Mae Rhanbarth De-orllewin Cymru ar flaen y gad ym maes gwyddorau bywyd a lles, ac mae’r ddarpariaeth mewn gofal iechyd a’r ragoriaeth academaidd yn gryfderau amlwg yn y rhanbarth.

Mae’r rhanbarth yn gartref i nifer o gyfleusterau a sefydliadau ymchwil blaengar, gan gynnwys Sefydliad Gwyddor Bywyd Prifysgol Abertawe, sy’n meithrin cydweithio rhwng y byd academaidd, darparwyr gofal iechyd a diwydiant. Mae'r synergedd hwn yn gyrru arloesedd mewn technolegau meddygol a fferyllol a gwasanaethau iechyd, gan gyfrannu at ddatblygiadau mewn gofal a lles cleifion.

Mae rhanbarth De Orllewin Cymru yn dibynnu ar rwydweithiau trafnidiaeth effeithiol i gysylltu pobl â swyddi, gwasanaethau a chyfleoedd, ac i gefnogi twf economaidd ar draws ardaloedd trefol, gwledig ac arfordirol.

Mae gwella cysylltedd drwy drafnidiaeth gynaliadwy a hygyrch yn allweddol i leihau anghydraddoldeb, cefnogi economïau lleol a mynd i’r afael â newid hinsawdd.

Trwy flaenoriaethu systemau trafnidiaeth integredig, carbon isel ac wedi’u cynllunio’n dda, gall De Orllewin Cymru alluogi teithio mwy diogel a mwy effeithlon, a chefnogi gwydnwch a llesiant hirdymor cymunedau ar draws y rhanbarth.