Y Sefydliad Cenedlaethol ar gyfer Chwaraeon ac Iechyd
Mae'r Sefydliad Cenedlaethol ar gyfer Chwaraeon ac Iechyd (NISH) yn rhwydwaith sy'n dod â chwaraeon, iechyd, ymchwil, addysg a busnes ynghyd i ysgogi arloesedd a chydweithio ledled Cymru. Wedi'i leoli yn Abertawe, mae NISH yn cysylltu sefydliadau ag arbenigedd, cyfleusterau a chyfleoedd i ddatblygu syniadau, cynhyrchion a gwasanaethau newydd a all wella iechyd, perfformiad a lles.
Mae NISH yn datblygu cyfleuster blaenllaw newydd 2,000m², pedwar llawr yn Lôn Sketty yn Abertawe, a fydd yn darparu lle pwrpasol i ddatblygu, arloesi a chydweithio. Mae’r pencadlys newydd, a fydd yng nghanol Canolfan Arloesi ehangach Lôn Sgeti, yn agor yn 2027.
Mae'r manteision i fusnesau a sefydliadau sy'n gweithio gyda NISH yn cynnwys:
Mynediad at rwydwaith cynyddol o fusnesau, academyddion a sefydliadau chwaraeon
Cyfleoedd i gydweithio ar brosiectau arloesi a masnachol a'u cefnogi
Mynediad at gyfleusterau arbenigol, arbenigedd a gwybodaeth academaidd
Cyfleoedd i gysylltu ag ymchwil ac addysg Prifysgol Abertawe
Hyrwyddo a gwelededd trwy rwydwaith a sianeli cyfathrebu NISH
Gwahoddiadau i ddigwyddiadau rhwydweithio a rhannu gwybodaeth unigryw i aelodau
Mynediad at swyddfeydd ac ystafelloedd cyfarfod a chydweithio wrth i'r pencadlys newydd ddatblygu
Cysylltiadau yn y sectorau chwaraeon, iechyd, lles a thechnoleg
Mae'r manteision i’r ecosystem chwaraeon ac iechyd ehangach yn cynnwys:
Dod â busnesau, y byd academaidd, gofal iechyd a chwaraeon yn agosach at ei gilydd
Cefnogi datblygiad a masnachu syniadau a thechnolegau newydd
Creu cyfleoedd ar gyfer ymchwil, datblygu sgiliau a rhannu gwybydaoeth
Cefnogi arloesi ar draws chwaraeon, iechyd a lles
Cryfhau safle Abertawe a Chymru fel canolfan ar gyfer arloesi chwaraeon, iechyd a thechnoleg feddygol
Creu cyfleoedd i fusnesau, y byd academaidd a sefydliadau’r sector cyhoeddus gydweithio
Creu twf economaidd a datblygu swyddi gwerth uchel
Darparu platfform i sefydliadau Cymru gysylltu â phartneriaid cenedlaethol a rhyngwladol
